Италијанскиот првак Јувентус сериозно заостанува во трката за шампионската титула, па ќе се обиде да го засили тимот за вториот дел од сезоната во Серија А. Раководството на „старата дама“ сака да има уште едно квалитетно решение во навалната линија и се вклучува во трката за ангажман на Мемфис Депај.
Холандскиот интернационалец беше голема желба на Барселона во летниот преоден рок, но каталонскиот гигант се соочи со финансиска криза и не беше во можност да ја исполни желбата на Роналд Куман. Лион е подготвен да го продаде Депај, со оглед дека на лето му истекува договорот, а во редот на заинтересираните клубови сега е и Пари Сен Жермен. Сепак, Јувентус се надева дека ќе биде најконкретен во преговорите и ќе успее да го доведе во Торино.
