Актуелниот првак Наполи нема сезона од соништата, но умее да потсети дека лани беше сосема поинаков тим. „Наполитанците“ вечерва го совладаа Јувентус со 2-1 и сѐ уште се надеваат дека можат да ја спасат сезоната.
Квича Кварацкелија во 42.минута го отвори резултатот, но Јувентус возврати преку Федерико Киеза во 81.минута.
Сепак, на крајот Наполи се радуваше. Беше досуден пенал за домаќинот, а Виктор Осимен иако не успеа да го реализира, одбиената топка дојде до Џакомо Распадори кој ја испрати топката во мрежата на „старата дама“.
