Јувентус испрати официјална понуда за трансфер на напаѓачот на Пари Сен-Жермен, Мауро Икарди. Торинскиот клуб е подготвен да го позајми 28-годишниот Аргентинец со опција за целосен откуп на договорот.
Сега „бјанконерите“ чекаат одлука и одговор од францускиот клуб.
Икарди дојде во ПСЖ од Интер и добро му се познати состојбите во Серија А, а има уште три години од актуелниот догобор со клубот.
Напаѓачот моментно закрепнува од повредата на рамото која ја доби на натпреварот во Лига 1 против Брест (4-2) и се очекува на крајот на септември да биде подготвен за настап.
Како дел од ПСЖ, 28-годишниот Икарди настапи на 66 натпревари во сите натпреварувања, постигна 35 гола и забележа десет асистенции.
