Јувентус и Арсенал веќе подолго време преговараат за трансфер на играчот за врска Артур во Лондон. Од Торино порачаа дека не сакаат да го продадат Бразилецот додека не најдат замена, но сега на „топчиите“ им предложија друго решение.
Како што открива „Скај Италија“, Јувентус предлага размена. Артур да се пресели во Лондон во замена за Томас Парти.
Поранешниот играч на Атлетико Мадрид минатата година пристигна на „Емирати“ за сума од 50 милиони евра.
Тој оваа сезона постигна еден гол на 17 натпревари и е еден од најстандардните во тимот на Микаел Артета.
