Јувентус официјално го објави трансферот на Тун Копмајнерс од Аталанта. Трансферот е најголемиот за клуб од Серија А ова лето. Играчот за врска потпиша петгодишен договор со “бјанконерите”.
Тимот од Торино ќе плати вкупна сума од околу 60 милиони евра за холандскиот играч. Од оваа сума, 51,3 милиони ќе се исплатат во четири рати, дополнителни трошоци во износ од 3,4 милиони евра, а 6 милиони евра се предвидени за можни бонуси.
Копмајнерс е осмото ново засилување на Јуве ова лето по Франсиско Консеисао, Нико Гонзалес, Пјер Калулу, Кефрен Турам, Хуан Кабал, Даглас Луиз и голманот Микеле Ди Грегорио.
Во трите сезони во Аталанта, Тун Копмајнерс постигна 26 голови во 97 натпревари во Серија А. Претходно, имаше 43 погодоци во 154 натпревари за АЗ Алкмар. Минатата сезона тој еден од клучните играчи на Аталанта за освојувањето на Лига Европа.
