Италијанскиот калчолигаш Јувентус сака да излезе како победник во трката за Душан Влаховиќ и подготвен е како мамка да го даде Дејан Кулушевски. Крилниот играч не се наметна во Торино по доаѓањето од Парма и Масимилијано Алегри би го испратил во Фиорентина како дел од евентуалниот трансфер на Душан Влаховиќ.
Планот на Јувентус е Дејан Кулушевски да биде проценет на 35 милиони евра, а клубот да доплати уште толку за да го исполни барањето за отштета од Фиорентина вредна 70 милиони евра.
Арсенал исто така е силно заинтересиран за Србинот и подготвен е да ги плати сите 70 милиони евра, но Влаховиќ сепак преферира да остане во Серија А.
