За фудбалска Македонија – Пандев е како Господ. Затоа, ‘со Пандев напред’, сакаме да веруваме дека можеме на ЕП 2020. Нов циклус, нова надеж, но и веќе подготвена и докажана репрезентација во Лигата на нации. Успехот треба да мотивира, но и да се потврди во овие квалификации.
Прва пречка е Летонија. Македонскиот национален тим утревечер (20.45 часот) ќе го има првиот предизвик, а фудбалерите сакаат на најдобар можен начин да му го честитаат јубилејот на Горан Пандев – 100 натпревари во националниот дрес.
Селекторот Игор Ангеловски го одработи последниот тренинг со фудбалерите, со офанзивен пристап ќе се бара триумф против Летонците.
