Јамал викендов се враќа во тимот на Барселона

Крилниот напаѓач на Барселона, Ламин Јамал, повторно му е на располагање на тренерот Ханси Флик откако ја надмина повредата на скочниот зглоб која го оддалечи од теренот од почетокот на месецот.

„Ламин се врати. Подготвен е за игра. Ќе видиме дали ќе го користиме од почетокот на натпреварот, но тој може да игра. И ќе игра“, изјави Флик.

Шпанскиот репрезентативец го одработил последниот тренинг и конкурира за настап на мечот против Лас Палмас во Ла Лига.