Италијански бон-тон: Гравина му испрати честитка на Сејдини и посака да ја победиме и Португалија

На Италијанците им го одземавме мундијалскиот сон, но тие се сепак спортски џентлемени. Претседателот на Фудбалската федерација на Италија, Габриеле Гравина, му испрати специјална честитка на Муамед Сејдини, првиот човек на македонскиот фудбал, во која посакува да ја победиме и Португалија.

„Драг пријателе Муамед,
Дозволете ми да ви честитам за големото постигнување кое предизвика огромна возбуда кај луѓето во вашата земја. Видеата од прославата во Скопје се доказ за тоа. Можете да бидете горд како предводник на фудбалското движење и сигурен сум дека овој натпревар ќе претставува големо достигнување во историјата на спортот во вашата земја.

Дозволете ми да и посакам на Македонија се најдобро на мечот во Порто. Можна е една незаборавна ноќ“, се вели меѓудругото во писмото што Габриеле Гравина го испрати до Муамед Сејдини.