Швајцарија стана првиот четвртфиналист на Европското првенство, елиминирајќи го актуелниот шампион Италија со победа од 2-0 во осминафиналето во Берлин.
Италијанците покажаа малку на теренот, со целосна немоќ пред голот на противникот и слаба игра во полето, а, што е невообичаено за нив, не успеаја ниту добро да се бранат.
Ремо Фројлер го доведе тимот на Швајцарија во водство во 37. минута со силен удар од десетина метри.
Во почетокот на второто полувреме, Рубен Варгас постигна уште еден прекрасен гол во 46. минута, надмудрувајќи го Џанлуиџи Донарума и правејќи го враќањето на Италија во натпреварот многу тешко.
Скамака се обиде да ја врати надежта во 76. минута, но го погоди дирекот од голот на Швајцарија.
Во четвртфиналето, Швајцарија ќе се соочи со победникот од дуелот меѓу Англија и Словачка.
