Лидерот Шкупи нема друг избор освен да оди на победа на денешниот меч (13 часот) против Струга Трим Лум на Чаир. Академија Пандев со вчерашниот триумф (1-2) над Ренова во Тетово се доближи само на бод, па тимот на Гоце Седлоски ќе мора да реагира соодветно.
Капитенот Фатих Исмаили вели дека ќе биде тежок и неизвесен натпревар.
„Против Струга ТЛ ќе играме важен натпревар, но и многу тежок. Уште потешко поради трагедијата од 23 ноември, каде многу наши роднини ги загубија своите најблиски во трагичната несреќа што се случи во Бугарија. Ќе излеземе на терен за да освоиме три бода и на нашите навивачи им ветуваме убав натпревар и победа. Струга ТЛ има добри и брзи играчи, но ние сме многу подобро подготвени и сакаме да останеме на првото место на табелата“, изјави Фатих Исмаили.
Македонија ЃП во Ѓорче Петров ќе ја пречека Шкендија, а Пелистер во Битола ќе биде домаќин на Скопје.
Тиквеш во Кавадарци ќе го нагости Работнички, а Брегалница е фаворит на дуелот со Борец.
ДВОЈКИ ПРВА ЛИГА, 15.КОЛО
МАКЕДОНИЈА ЃП – ШКЕНДИЈА
ШКУПИ – СТРУГА ТЛ
ПЕЛИСТЕР – СКОПЈЕ
ТИКВЕШ – РАБОТНИЧКИ
БРЕГАЛНИЦА – БОРЕЦ
ВЧЕРА: РЕНОВА – АКАДЕМИЈА ПАНДЕВ 1-2
