Фудбалската федерација на Република Ирска (ФАИ) потврди дека Стивен Кени нема да добие нов договор како национален селектор. Селекцијата заврши на претпоследното место во својата група во европските квалификации со само шест бода.
„Договорот на Стивен Кени како селектор на репрезентацијата нема да биде обновен“, соопшти федерацијата, цитирана од Ројтерс.
„Управниот одбор на ФАИ одлучи дека е време за промена пред контролните натпревари во март и јуни, како и почетокот на следната кампања во Лигата на нации во септември“.
Кени го наследи Мик Мекарти во 2020 година и потпиша договор до ЕВРО 2024 година.
