Група ирански спортисти побараа од Меѓународната фудбалска федерација ФИФА да ја исфрли иранската репрезентација од претстојното Светско првенство поради бруталноста на владата кон сопствениот народ, но и поради тоа што на жените со години им беше забранет пристапот до стадионите.
Меѓу потписниците на писмото се и ФИФА судијата, Мохамед Реза Фегани, шампионот во џудо Вахид Сарлак и поранешниот фудбалер Шива Амини, објави денеска „Скај“
Писмото го објави спортската компанија од Валенсија, Руиз-Хуерта и Креспо.
„Бруталноста и воинственоста на Иран кон сопствениот народ достигна крајна точка, барајќи недвосмислено и цврсто одвојување од светот на фудбалот и спортот. Фудбалот, кој треба да биде безбедно место за сите, не е безбеден за жените, па дури и за мажите“, се вели во соопштението.
„На жените постојано им се забранува пристап до стадионите ширум земјата и се систематски исклучени од фудбалскиот екосистем во Иран, што е во целосна спротивност со вредностите и статутите на ФИФА“.
Светското првенство ќе се игра во Катар од 20 ноември до 18 декември.
Репрезентацијата на Иран е во група со Англија, Велс и селекцијата на САД.
Протестите во Иран почнаа на 16 септември поради смртта на 22-годишната Маша Амини, која неколку дена претходно беше приведена поради неправилно носење хиџаб.
Иранската полиција брутално ги задушуваше протестите, стотици демонстранти беа уапсени, а повеќе од 120 лица загинаа.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski