Тренерот на Интер, Симоне Инзаги, размислува да го остави Лаутаро Мартинез на клупата за претстојниот реванш против Феенорд во Лигата на шампионите. „Нероаѕурите“ победија со 0-2 на првиот натпревар во Холандија, па Инзаги би можел да му даде одмор на аргентинскиот напаѓач за овој меч, со цел да биде свеж за клучниот дуел против Аталанта во Серија А викендов.
Главната причина за оваа одлука е заморот на Лаутаро, кој дури и не тренираше со тимот во понеделник. Инзаги размислува да одмори и други важни играчи, како Хакан Чалханоглу и Стефан де Фрај, кои исто така се чувствуваат исцрпено поради густиот натпреварувачки распоред.
Интер во последно време се соочува со сериозни проблеми со повредени фудбалери. Најновото име на листата е Пјотр Зиелински, кој заработи повреда на листот на ногата против Монца (3-2) и може да отсуствува речиси два месеца. Освен него, меѓу повредените се и Федерико Димарко, Матео Дармијан и Никола Залевски.
