Европскиот вицепрвак Интер се откажа од можноста да го задржи Ромелу Лукаку и следната сезона. На напаѓачот му заврши едногодишниот заем во Интер, па тој се врати во Челси. Иако имаше интерес за нова соработка, сепак, „Скај Италија“ тврди дека Интер се откажува.
Интер одлучи со писмо да го информира Челси дека се повлекува од намерата за целосен откуп на Ромелу Лукаку.
Белгискиот интернационалец почнал преговори со Јувентус, кој понуди 40 милиони евра, но само доколку успее да го продаде Душан Влаховиќ.
