Интер ѝ се одмазди на Фиорентина со победа од 2-1 и направи значаен чекор кон врвот на табелата во Серија А, каде што лидер останува Наполи. Сега „нероаѕурите“ имаат само бод помалку.
Откако избраниците на Симоне Инзаги загубија во Фиренца во претходниот натпревар, овојпат успеаја да слават во Милано. Натпреварот беше исполнет со контроверзни судиски одлуки, кои имаа влијание врз двата тима.
Интер поведе со автогол на Понграчиќ, иако постоеше сомнеж дека топката претходно го напуштила теренот. Фиорентина израмни во 44. минута со гол од пенал на Мандрагора, кој беше досуден поради игра со рака во казнениот простор – одлука што исто така предизвика полемики.
Во второто полувреме, Марко Арнаутовиќ донесе три бода за Интер, постигнувајќи го победничкиот гол во 52. минута по одлична асистенција на Карлос Аугусто.
