Џузепе Марота, директорот на Интер, подготвува нова „бомба“ кога е во прашање трансфер пазарот и потпишувањето на играч на кој договорот му истекува на лето. Тој е насочен кон Роберто Фирмино, напаѓачот на Ливерпул, кој е слободен играч од 1 јули следната година.
Фирмино треба да пристигне како засилување на навалната линија, со оглед дека уште отсега има најави како Челси ќе си го повлече назад Ромелу Лукаку, кој е на едногодишна позајмица од Челси во Милано.
Сезонава Фирмино одигра седум натпревари за „црвените“ на кои постигна три гола и забележа три асистенции.
