Милан Шкриниар, кој веќе има преддоговор со Пари Сен Жермен за слободен трансфер на лето, не е веќе меѓу капитените на Интер. Ова го соопшти тренерот Симоне Инзаги во пресрет на миланското дерби.
Словачкиот интернационалец се обиде да го напушти клубот уште во јануари, но управата не ја прифати понудата на ПСЖ. Шкриниар досега беше четврти капитен на тимот.
„Поради тоа што се случи, Милан нема да ја носи капитенската лентата. Имавме мирен разговор со него за тоа. Нашиот стартен капитен е Самир Хандановиќ, а потоа следуваат Брозовиќ, Лаутаро и Д’Амброзио. Изборот е направен врз основа на натпреварите одиграни за клубот“, објасни тренерот Инзаги.
Без разлика на сѐ, Инзаги ќе продолжи да се потпира на Шкриниар, и тој најверојатно ќе биде стартер на дербито.
„Не го осудувам за неговиот избор. Милан е уникатен фудбалер и одлично момче. Работи напорно на тренинзите и најверојатно ќе биде во составот“, истакна тренерот на Интер.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski