Италијанскиот шампион Интер по завршувањето на летниот преоден рок ќе се посвети на продолжување на договорите со клучните фудбалери, објавија италијанските медиуми.
Досега клубот постигна договор со аргентинскиот напаѓач Лаутаро Мартинез и тој треба да потпише нов договор по завршувањето на репрезентативните обврски.
Раководството на Интер планира преговори со уште четворица важни играчи, Марсело Брозовиќ, Николо Барела, Стефан Де Фрај и Милан Шкриниар.
Продолжувањето на договорот со клучните играчи покажува дека Интер сака да остане на врвот откако излезе од тешката финансиска ситуација.
