Интер го договори трансферот на напаѓачот Марко Арнаутович кој ќе пристигне од Болоња, пренесуваат италијанските медиуми. Зделката најверојатно ќе биде во форма на позајмица од 4 милиони евра со задолжителна опција за нејзино откупување во износ од уште 4 милиони.
Последните 2 милиони се распределуваат како лесно достижни бонуси.
За 34-годишниот играч е подготвен договор до летото 2025 година со сезонска плата од 3,7 милиони евра, плус бонуси. Се очекува играчот денеска да пристигне во Милано и утре да ги помине медицинските прегледи.
„Нероаѕурите“ конечно најдоа нов напаѓач откако не успеаја со неколку трансферни цели како Ромелу Лукаку, Алваро Мората, Џанлука Скамака и Фоларин Балогун.
Ова ќе биде второ враќање на Арнаутович во миланскиот гигант по 2009/10 година, кога тој одигра само 55 минути на позајмица од Твенте. Тој потоа играше за Вердер Бремен, Стоук Сити, Вест Хем и Шангај Порт, а за Болоња постигна 25 гола на 58 натпревари во последните две сезони.
