Инструкции за утрешниот меч: Дојдете порано, вратите на „Тодор Проески“ ќе се затворат 30 минути пред почетокот

Билетите за фудбалскиот спектакл меѓу Македонија и Англија се распродадени, а ФФМ даде и посебни инструкции за навивачите кои треба да се најдат на трибините.

За да се избегнат несакани гужви, има апел до фановите порано да дојдат на стадионот, а вратите ќе бидат затворени 30 минути пред почетокот на мечот.

„Сите билети се продадени, ве молиме да дојдете порано на арената „Тодор Проески“, вратите ќе бидат затварени 30 минути пред почетокот на натпреварот“, соопштија од ФФМ.