Македонскиот репрезентативен голман Дени Илиев и официјално е промовиран во дресот на словачкиот прволигаш Серед, чиј тренер е македонскиот стратег Славчо Војнески.
Илиев следната сезона ќе ја мине во Серед како позајмен фудбалер од Арсенал, со можност „топчиите“, доколку се одлучат на тоа, да го вратат по шест месеци.
„Тука сум за да бидам на терен во квалитетен шампионат како словачкиот кој ќе ми помогне за континуран раст. Но, тука сум и да му помогнам на тимот да ги реализира своите цели и амбиции“ – истакна Илиев на промоцијата.
Преселбата на Илиев во Серед на официјалната страница ја објави и Арсенал посакувајќи му многу успех во новиот клуб престојнава сезона.
„Со нетрпение го чекаме Дени повторно во нашиот клуб, верувајќи дека ќе следиме многу успешни негови настапи оваа сезона во Серед“ – истакнуваат од Арсенал.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski