Игор Бишчан ќе го наследи Анте Чачиќ на клупата на хрватскиот шампион Динамо Загреб. Како што откриваат хрватските медиуми, тој веднаш ќе го преземе тимот и ќе го води веќе в сабота на натпреварот против Локомотива во првенството на Хрватска.
За Динамо Загреб настапува капитенот на фудбалската репрезентација на Македонија, Стефан Ристовски.
Бишчан ја напушта функцијата во репрезентацијата на Хрватска до 21 година, каде сега ќе го замени Ивица Олиќ.
Динамо Загреб го отпушти Анте Чачиќ откако беше елиминиран од Шибеник (2:1) во Купот на Хрватска.
