Шведскиот ас Златан Ибрахимовиќ не мисли лесно да се предаде и да замине во пензија, но полека се подготвува за животот после активната кариера. 40-годишниот Ибракадабра си купи илјада хектари шума во Шведска каде ќе може да лови, да оди на риболов и да вози „сноумобил“.
Во Аре, на границата меѓу Шведска и Норвешка, Ибрахимовиќ купи ранч вреден 3 милиони евра каде ќе го исполнува времето по завршувањето на кариерата. Тој е страстен ловец и секој слободен момент го користи да оди на лов. Ќе ја имаа таа можност многу повеќе откако конечно ќе стави крај на кариерата.
Ибрахимовиќ живее сам во Милано, неговата сопруга Хелена и синовите Максимилијан и Винсент останаа во Стокхолм.
