Продолжението од Серија А носи интересен дуел меѓу Фиорентина и Милан, а италијанските медиуми тврдат дека Златан Ибрахимовиќ на челниците на Милан им препорачал да го доведат Душан Влаховиќ како негов наследник.
Пред разговорите за продолжување на неговиот договор, Ибрахимовиќ им рекол на челниците на „росонерите“ дека Влаховиќ треба да биде негов долгогодишен наследник на „Сан Сиро“ и да ја искористат ситуацијата со неговиот договор и да го купат.
Српскиот напаѓач веќе му соопштил на раководството на Фиорентина дека нема намера да го продолжи договорот кој трае до летото 2023 година. Досега голем интерес покажаа Атлетико Мадрид, Арсенал, Тоѕенхем, Челси, иако се чини дека засега најблиску до него е Јувентус.
