Македонскиот прволигаш Академија Пандев значително ќе го реновира играчкиот кадар оваа зима. Фудбалерот за врска Томче Илиев е најновото име кое заминува од струмичкиот тим. Претходно, раководството на клубот договори разделба и со голманот Марко Јовановски, Бојан Најденов, Виктор Ангелов, Марко Ѓорѓиевски…
Димитар Митровски веќе направи трансфер во хрватскиот тим Вараждин, како и Најденов, кој потпиша за Локомотив Ташкент.
Тренерот Александар Васоски ќе мора да побара неколку нови фудбалери во пресрет на пролетниот дел од сезоната, со оглед дека Академија Пандев ја очекува грчевита борба за опстанок во елитното друштво.
