Селекторот на Италија, Лучијано Спалети, ќе продолжи да ја извршува својата функција и во иднина, и покрај раната елиминација на европскиот првак од ЕВРО 2024. Италијанците загубија со 2-0 од Швајцарија и си заминуваат дома по осминафиналето, а челниците на италијанскиот фудбал веднаш му ја дадоа поддршката на Спалети.
Тој ќе остане на кормилото до 2026 година, иако можеби потклекна на првиот важен тест, откако дојде на функцијата во август 2023 година.
Сепак, негова мисија ќе биде да го подмлади тимот и да го подготви за следните искушенија, на кои Италија се надева на многу подобри игри и резултати.
