И Мане неизвесен за Мундијалот во Катар

Сенегалецот Садио Мане е најновата ѕвезда на светскиот фудбал чиј настап на Мундијалот во Катар е доведен во прашање. На синоќешниот натпревар меѓу Баерн Минхен и Вердер тој се здоби со повреда, поради која го напушти теренот во 20. минута.

Се претпоставува дека се работи за повреда на мускулот, но најважното прашање е за колку би можел да се опорави.

Сенегал првиот натпревар на Светското првенство го игра на 21 ноември против Холандија.