Хрватска заигра според очекувањата и според вкусовите на своите фанови. Иако имаше лош старт на мечот против Канада, на крајот славеше со 4-1 и се наоѓа на првото место во групата Ф со четири бода, колку што има и Мароко.
Алфонсо Дејвис во втората минута донесе изненадувачко водство за Канада, откако реализираше со глава по центаршутот од десната страна. Но, Хрватска направи пресврт веќе во првиот дел.
Андреј Крамариќ израмни во 36.минута, а Марко Ливаја во 44.минута се погрижи за пресврт.
Во второто полувреме Крамариќ со својот втор гол го реши мечот, а Ловро Мајер донесе убедлив триумф за Хрватите.
