Шкупи го изненади Динамо Загреб и одигра 2-2 на „Максимир“, а тоа хрватските медиуми го претставија како трагедија. Секако е Динамо најдобриот клуб на Балканот, со најголем буџет и искуство од Лигата на шампионите, а Шкупи беше претставен како тим што јаде и спие во Мекдоналдс, а фудбалерите ги тепаат по дискотеки во Скопје.
Сепак, на крајот ги стигна студен туш на првиот меч во Загреб.
Хрватските медиуми тргнаа во „истрага“ зошто Динамо Загреб одигра толку лошо и го нападнаа тренерот Анте Чачиќ. Тврдат дека единствената позиција каде Шкупи е подобар е токму предноста што ја носи Гоце Седлоски во однос на Чачиќ.
“Единствената позиција каде шампионот на Македонија има подобар играч е тренерската позиција. Јасно дека Гоце Седлоски уште еднаш одлично се снајде против „модрите“. Покажа дека Динамо го чита како отворена книга и може да го анестезира, а замислете да не ги бара играчите во Мекдоналдс и во ноќни барови, каде би завршил… Не би биле изненадени со релативно брза разделба на „сината клупа“. Но, право на поправен испит има и Анте Чачиќ“, пишува хрватскиот „Спортске Новости“.
