Лацио се пласира во четвртфиналето на Купот на Италија откако го совлада Наполи со 3-1 на „Олимпико“. Лидерот на табелата во Серија А сепак потклекна во ова натпреварување.
Тиџани Нослин беше херојот на „лацијалите“. Тој постигна хет-трик и беше незадржлив за одбраната на Наполи.
Закањи промаши пенал, а потоа Нослин успеа да донесе водство за Лацио. Сепак, Наполи израмни со голот на Џовани Симеоне во 36.минута.
Нослин постигна втор гол пред полувремето, а во вториот дел комплетираше хет-трик за конечен триумф.
