Струга Трим Лум продолжува со убедливите настапи во подготовките за новата сезона. Вечерва во Корча, поранешниот македонски шампион во пријателски натпревар го совлада тимот на Скендербег со убедливи 4-0.
Клучна фигура беше Компаоре, кој постигна хет-трик, додека четвртиот гол го реализираше Хамза.
Избраниците на Бледи Шкемби демонстрираа добра форма и оставија впечаток дека се максимално подготвени за стартот на сезоната 2025/26.
Тренерот, како и на претходните тест-дуели, во завршницата им даде шанса на повеќе играчи за да ја провери нивната моментална подготвеност.
