Англискиот интернационалец Џордан Хендерсон е сѐ поблиску до договор со тимот на Ајакс. Ова стана јасно откако управата на саудискиот клуб Ал-Етифак се согласи да го раскине договорот на играчот со заедничка согласност.
Хендерсон остана во Саудиска Арабија само неколку месеци, и покрај тоа што потпиша огромен тригодишен договор летото. Сепак, Англичанецот не можеше да се прилагоди на животот во земјата и посака предвреме да замине.
Сериозен интерес за неговите услуги покажува холандскиот гигант Ајакс. Се очекува Хендерсон денеска да отпатува за Амстердам на разговори и двете страни да постигнат лесен договор.
