Шкупи со триумф (0-1) против Борец во Велес го отвори пролетниот дел од сезоната, а тоа беше и дебитантски меч во Првата фудбалска лига на Македонија за новиот тренер, турскиот стратег Хасан Озер. Тој е задоволен од победата и од изданието на тимот. Верува дека Шкупи ќе продолжи во ист стил, но и уште поефикасно, на следните натпревари.
„Знаевме дека ќе играме против тим кој претрпе многу измени во составот и дека нема да биде лесно да се победи. Во првото полувреме создадовме само две шанси, но на полувремето се договоривме да притиснеме уште повеќе. Успеавме да создадеме уште повеќе шанси, кои на крајот дадоа ефект, стигнавме до посакуваната победа. Задоволен сум од тимот, новите засилувања исто така имаа добри настапи. Како што ќе одминува времето мислам дека Шкупи ќе биде уште посилен. Треба да продолжиме кон реализација на нашата цел“ , изјави Хасан Озер.
Шкупи во следното коло на домашен терен го пречекува тимот на Академија Пандев.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski