Хари Кејн вечерва во Неапол стана најдобар стрелец историјата на фудбалска репрезентација на Англија откако постигна еден гол во триумфот од 1-2 против Италија, во квалификациите за ЕВРО 2024 година.
Кејн погоди од пенал и го постигна 54. гол на 81 натпревар за националниот тим.
Фудбалерот на Тотенхем го собори рекордот што го делеше со Вејн Руни, кој постигна 53 гола на 120 натпревари за англиската селекција.
Кејн ќе може да го подобри својот рекорд веќе в недела, кога Англија во второто коло ја пречекува Украина на „Вембли“.
