Тренерот на Барселона, Ханси Флик, изрази задоволство по победата од 2-4 над Селта на „Балаидос“. Според него, оваа победа е многу значајна бидејќи доаѓа токму пред паузата во првенството поради репрезентативните натпревари.
Тој го пофали настапот на напаѓачот Роберт Левандовски, кој беше најдобар на натпреварот и постигна хет-трик.
„По повредата видов еден поинаков, позитивен Левандовски, кој се врати порано од очекуваното. Многу е добро за неговата самодоверба што постигна три гола. Тој беше многу важен за нас минатата сезона“, истакна германскиот стратег.
По хет-трикот на Левандовски и голеадата, Барселона ја намали разликата со лидерот Реал Мадрид на само три бода.
„Одигравме добар натпревар, а во второто полувреме се браневме подобро. Фудбалот е секогаш таков – не е важно што си направил претходно. Второто полувреме ни дава самодоверба за следните натпревари. Гледаме само кон себе. Добро вршевме притисок и сум задоволен од тимот. Секогаш е убаво да се победи пред паузата за репрезентативните натпревари“, изјави Флик по триумфот над Селта во Виго.
