Ерлинг Халанд повторно беше стрелец за Манчестер Сити, стигна до десеттиот гол и испиша историја, но „граѓаните“ не успеаја да слават на гостувањето кај Астон Вила. Леон Бејли во 74.минута постигна прекрасен гол и израмни на 1-1, а тимот на Пеп Гвардиола до крајот не можеше повторно да одговори.
Ерлинг Халанд стрелаше во 50.минута, кога се најде на вистинското место по нафрлувањето на Кевин де Бруин и лесно ја погоди мрежата на домаќинот. Манчестер Сити имаше уште неколку одлични шанси, но на крајот испушти два бода на ова гостување.
