Ерлинг Халанд и официјално е нов играч на Манчестер Сити. 21-годишниот Норвежанец потпиша договор до 2027 година, а Сити на Борусија и плати 75 милиони евра обештетување. Откако пред неколку недели беше објавено дека Халанд доаѓа во Манчестер, клубот денеска и официјално го претстави.
„Ова е посебен ден за мене и моето семејство. Роден сум во Англија и навивач сум на Манчестер сити. Се чувствувам како дома и мислам дека ова е вистински потег. Го сакам напаѓачкиот стил на екипата, затоа што тоа е совршен систем за фудбалер каков што сум јас. Сакам да постигнувам голови и да освојувам трофеи“, вели Халанд.
