Англискиот премиерлигаш Манчестер Сити е заинтересиран за 26-годишниот играч од средниот ред на Лидс, Калвин Филипс. Менаџерот Пеп Гвардиола инсистира на негов ангажман на „Итихад“.
Шампионот на Англија ја чека својата шанса и е подготвен да издвои 60 милиони евра за реализација на овој трансфер. „Граѓаните“ во него гледаат важен играч во ротацијата и замена за Шпанецот Родри.
Доколку Калвин Филипс дојде во Манчестер Сити, тогаш Илкај Гундоган би можел да добие дозвола да замине од клубот.
