Европските лиги ги очекува мало здивнување околу божиќните и новогодишните празници. Тука, секако, се издвојува англиската Премиер – лига.
По традиционалниот фудбал на „Боксинг деј“, наредното коло започнува само два дена подоцна. Ова е особено проблематично со оглед дека тимовите се десеткувани поради коронавирусот. За овој проблем претходно зборуваше Јирген Клоп, а свое мислење даде и Пеп Гвардиола.
Менаџерот на Манчестер Сити најави и можен отпор.
„Дали играчите и тренерите треба да се договорат и да штрајкуваат или да направат нешто слично? Очигледно зборовите не се доволни“, праша стратегот на „граѓаните“.
Но, на директно прашање дали го поддржува штрајкот, тој даде поинаков одговор.
„Мислам дека тоа нема да се случи. Сакаме да играме и сакаме да ги радуваме луѓето. Ќе играме на 26 и 27 и 29 и 31-ви и 1-ви затоа што ние го сакаме тоа. Не велам дека има причина за штрајк“.
Минатиот викенд беа одложени шест од десетте натпревари во Премиер – лигата, како и два натпревари закажани за 26 декември.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski