Англискиот првак Манчестер Сити планира да ја засили одбраната со десниот бек на Челси, Рис Џејмс. Ова лето би можела да се случи голема раздвиженост на релација „Стемфорд бриџ“ – „Итихад“.
Челси е заинтересиран за Габриел Жесус и за Рахим Стерлинг кои потенцијално би тргнале на пат за Лондон, а Гвардиола го сака Рис Џејмс.
Англискиот репрезентативец имаше уште една забележителна сезона, иако имаше и проблеми со повреди. Тој има актуелен договор со Челси до 2025 година, но заработува „само“ 70.000 фунти неделно, што не е пропорционално со тоа колку Џејмс придонесува на теренот.
Ситуацијата будно ја следат Манчестер Сити, но и Реал Мадрид. „Граѓаните“ во Џејмс го гледаат идеалниот наследник на Кајл Вокер, кој влезе во 33. година.
Гвардиола исто така не се откажува од доведување на Кукуреља од Брајтон. „Галебите“ бараат 50 милиони фунти, а Сити сака да ја намали бараната сума нудејќи му го на Брајтон младиот Џејмс Мекити.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski