Пеп Гвардиола е одушевен од изведбите на Кевин де Бруин во последниот период.
Играчот од средниот ред на Манчестер Сити се врати на терените на почетокот на јануари по пет месеци опоравување од повредата на тетивата.
На седум натпревари од почетокот на годината, Белгиецот постигна два гола и забележа шест асистенции.
„Кевин продолжува да се подобрува, тој е како убаво вино. Можеби тоа е како Brunello di Montalcino (познато како најскапото од традиционалните италијански вина) или Sassicaia (познатото тосканско вино). Се врати свеж не само физички туку и психички. Неговиот придонес е секогаш посебен затоа што и тој е посебен“, изјави Гвардиола по победата на Манчестер Сити од 1-3 на гостувањето кај Копенхаген во Лигата на шампионите.
