Фудбалерот за врска на Манчестер Сити, Илкај Гундоган подготвува „шокантен трансфер“, тврди шпанскиот „Fichajes“, . Играчот од средниот ред на „граѓаните“ размислува за заминување од Англија, а како негов следен клуб се споменува турскиот Галатасарај, што Шпанците го сметаат за изненадувачки потег.
Гундоган не би бил првиот, а веројатно ни последниот фудбалер кој на зрели години би ја продолжил кариерата во еден од големите турски клубови. Сепак, ова би било неочекувано изненадување, бидејќи тој и понатаму делува како играч кој може да даде многу на највисоко ниво во европскиот фудбал.
Гундоган имаше и епизода во Барселона, но многу брзо одлучи да се врати на „Етихад“, каде оваа сезона Сити има многу проблеми со резултатите во Премиер – лигата.
