Претседателот на Фудбалската федерација на Италија, Габриеле Гравина, вели дека доколку дојде до активирање на Суперлигата, тогаш Јувентус ќе биде исфрлен од Серија А.
Првиот човек на Јувентус, Андреа Ањели, е еден од носителите на проектот за новото европско натпреварување кое беше формирано од 12 клуба. Девет од тимовите се откажаа, додека Реал Мадрид, Јувентус и Барселона и понатаму се со идеја да се одржи ова натпреварување.
„Одговорот е хипотетички, но Јувентус ќе биде исклучен од Серија А доколку се реализира Суперлигата“, изјави Гравина за италијанските медиуми.
