Лидерот на табелата во Премиер – лигата, тимот на Манчестер Сити, подготвува трансферна бомба во летниот преоден рок. Пеп Гвардиола сака пред носот на Манчестер Јунајтед да го доведе на „Етихад“ англискиот репрезентативец и член на Астон Вила, Џек Грилиш.
Крилниот напаѓач игра во одлична форма во Премиер – лигата оваа сезона, а Манчестер Сити е подготвен да плати 100 милиони фунти за неговиот трансфер. Со тоа Грилиш би станал најскапиот играч во Премиер – лигата, како и најскап англиски фудбалер на сите времиња.
