Гостивар објави дека мечот со Работнички ќе се игра без гледачи

Натпреварот меѓу Гостивар и Работнички од 29.коло во Првата фудбалска лига ќе се одигра без присуство на гледачи. Ова го објави домаќинот на мечот, тимот на Гостивар.

„Ве информираме дека натпреварот помеѓу Гостивар и Работнички, закажан за недела, 27 април 2025 година во 16:00 часот, ќе се одигра без присуство на гледачи“, објави ФК Гостивар на социјалните мрежи.