Поранешниот македонски селектор Ѓоре Јовановски заминува на печалба во Саудиска Арабија. Тој ќе биде тренер на саудискиот второлигаш Ал-Батин.
Јовановски е тренер со огромно искуство, во Македонија освои многу титули, а ги предводеше Слога Југомагнат, Вардар, Работнички, Милано, Шкендија, Металург. Во странство има работено во Самсунспор во Турција и во ЦСКА Софија во Бугарија.
Ал-Батин во моментот се наоѓа на средина на табелата во Втората лига на Саудиска Арабија со ефект од три победи и три порази.
