Арсенал доживеа непријатен пораз на тешкото гостување кај Астон Вила, откако прими гол во последните моменти од судиското продолжение и загуби со 2-1. Составот на Унаи Емери ја искористи шансата да се приклучи во трката за врвот и сега заостанува само три бода зад лондонскиот тим.
Херој на Астон Вила беше Емилијано Буендија, кој во петтата минута од продолжението го постигна голот за голем пресврт.
Домашните поведоа во 36. минута преку Мет Кеш, додека Леандро Тросар во раната фаза од второто полувреме успеа да израмни на 1-1. Сепак, Арсенал на крајот остана без бодови по драматичната завршница.
