Најтрофејниот македонски клуб Вардар од денеска е под команда на Горазд Михајлов. Поранешниот тренер на Силекс во пролетниот дел од шампионатот ќе има мисија да обезбеди опстанок со „црвено-црните“.
„Свесни сме сите во каква ситуацијата е Вардар и ме радува фактот што полека се стабилизира финансиската состојба. Вардар е најголемиот бренд во Македонија, ќе го дадеме сите својот максимум, јас и моите соработници, заедно секако со фудбалерите, да ја оствариме целта. Секој освоен бод и секој позитивен резултат ќе биде многу значаен, ќе играме како да е финале на секој од преостанатите 15 натпревари во првенството“, изјави Горазд Михајлов.
Вардарци работат и на ангажман на неколку нови имиња, тимот сигурно ќе биде освежен во текот на преодниот рок.
