Голем проблем за Интер: Хандановиќ позитивен на Ковид-19

Лидерот на табелата во Серија А, тимот на Интер, се соочува со голем проблем откако првиот голман Самир Хандановиќ е позитивен на Ковид-19. Тој нема симптоми, но веднаш е изолиран во сопствениот дом откако добил позитивен тест на коронавирусот.

Ова е втор случај на позитивен фудбалер на коронавирус во редовите на „нероаѕурите“. Претходно и Д’Амбросио покажа позитивен тест и мораше да биде одвоен од соиграчите.

Интер в сабота на домашен терен го пречекува Сасуоло.